जसपाका ५४ जना नेता कार्यकर्ताद्धारा सामुहिक रुपमा पार्टी परित्यागको घोषणा

काठमाडौंः जनता समाजवादी पार्टी नेपाल (जसपा) का २ जना केन्द्रीय परिषद सदस्य र लेखा समिति सदस्यसहित ५४ जना नेता कार्यकर्ताले सामुहिक रुपमा पार्टी छोडेका छन् ।

पार्टी छोड्नहरुमा परिषद सदस्य मलिसा याक्थुङबा र तिलबिक्रम चेम्जोङ, केन्द्रीय लेखा समिति सदस्य डि.एम.आङदेम्बे लगायत छन् । उहाँहरुले सामुहिक रुपमा प्रेस विज्ञिप्त जारी गर्दै पार्टी छाडेको घोषणा गर्नुभएको छ ।

पार्टी नेतृत्वमा स्वेच्छाचारिता हाबी भएको, संगठन निर्माणमा उदासिनता देखाएको र संगठनलाई बिसर्जनको बाटोतर्फ लगेको आरोप लगाइएको छ । पार्टी परित्याग गर्नेहरुको सूचीमा पार्टीका केन्द्रीय परिषद समिति, प्रदेश समिति, लिम्बुवान राज्य समिति सदस्य, जिल्ला र स्थानीय तहका नेता कार्यकर्ता छन् ।

नेपाली राजनीतिमा देखिएको बिकृति, बिसङ्गति, पहिचान बिरोधी हर्कत र असमाबेसी चरित्रका बिरुद्ध आफुहरु अग्रमोर्चामा लडे पनि नेतृत्वको स्वेच्छाचारिताका कारण पार्टी छाडेको उहाँहरुको भनाइ छ ।