छात्रवृत्तिका लागि अद्यावधिक गर्न सबै विद्यालय तथा स्थानीय तहलाई केन्द्रको निर्देशन (पत्रसहित)

काठमाडौंः शिक्षा तथा मानव स्रोत विकास केन्द्रले छात्रवृत्ति रकम उपलब्ध गराउनका लागि एकीकृत शैक्षिक सूचना व्यवस्थापन प्रणालीमा विवरण अद्यावधिक गर्न निर्देशन दिएको छ । केन्द्रले तोकेको मापदण्ड पुरा गरेका विद्यार्थीहरुका लागि छात्रवृत्ति रकम उपलब्ध गराउन सबै स्थानीय तहहरुलाई अद्यावधिक गर्न निर्देशन दिएको हो ।

सामुदायिक विद्यालयका कक्षा ९–१२ मा अध्ययनरत विपन्न लक्षित छात्रवृत्ति कार्यक्रमका लागि छात्रवृत्ति प्राप्त गर्न योग्य विद्यार्थीहरुको विवरण गत ससार २७ गते प्रकाशन गरिएको जानकारी गराउँदैं मापदण्ड पुरा गरेका विद्यार्थीको अद्यावधिक गर्न भनिएको छ ।

केन्द्रले शैक्षिक सत्र २०७८ मा कक्षा १० मा फारम भरेका र शैक्षिक सत्र २०७९ मा कक्षा ११ मा अध्ययनरत रही सम्बन्धित स्थानीय तहले प्रमाणीकरण गरेका विद्यार्थीहरुले शिक्षा तथा मानव स्रोत विकास केन्द्रको एकीकृत शैक्षिक सूचना व्यवस्थापन प्रणालीमा बैंक खाता विवरण कार्तिक ४ गतेभित्र अद्यावधिक गरेको हुनुपर्ने जनाएको छ ।

त्यसैगरी कक्षा ११ र १२ मा ५–५ क्रेडिट आवरको जीव विज्ञान, रसायन विज्ञान र भौतिक विज्ञान विषय लिइ अध्ययन गर्ने तथा विद्यालय तहको प्राविधिक धारमा अध्ययनरत छात्रछात्राहरुमध्ये छात्राहरुको हकमा तेस्रो क्वाइन्टाइल सम्ममा पर्ने र छात्रहरुको हकमा दोस्रो क्वाइन्टाइल सम्ममा पर्ने छात्रवृत्ति प्राप्त गर्दै आएका छन् भने अन्य विषयको कक्षा ११ को हकमा प्रथम क्वाइन्टाइको विद्यार्थीहरु मात्र छात्रवृत्ति प्राप्त गर्न योग्य हुने सूचनामा उल्लेख गरको छ । खबर एजुकेशन