गठवन्धनकै नेतृत्वमा सरकार बन्छ : किशोरसिंह राठौर

काठमाण्डौंः नेपाली काँग्रेसका सहमहामन्त्री किशोरसिंह राठौरले देशैभर गठवन्धनको लहर रहेकाले निर्वाचनपछि गठवन्धनकै नेतृत्वमा सरकार बन्ने बताउनु भएको छ ।

बाँके क्षेत्र नम्बर ३ अन्तर्गत् खजुरा क्षेत्रमा मङ्गलवारआयोजित कार्यक्रममा बाँकेको क्षेत्र नम्बर ३ का गठवन्धनका उम्मेदवारसमेत रहनु भएका काँग्रेस सहमहामन्त्री राठौरले गठवन्धनलको सरकारले सहमहामन्त्री राठौरले घोषणापत्र अनुसार मुलुकलाई सुशासनसहितको समुन्नतिको बाटोमा अघि बढाउने उल्लेख गर्नुभयो ।

उहाँले ७ दशक लगाएर नेपाली जनताले बनाएको संविधान र जनअधिकार कुष्ठित गर्ने प्रयास गरेकाले जनताले एमालेका पक्षमा मतदान नगर्ने दावी गर्नुभयो ।उहाँले बाँकेको खजुरा बजारको पूरानो साख फर्काएर यस क्षेत्रकै व्यापारिक एवं उद्यम केन्द्र बनाइने बताउनु भयो ।

बाँकेको क्षेत्र नम्बर ३ को बजार क्षेत्रलाई आधुनिक बजारीकरण तथा ग्रामीण क्षेत्रलाई व्यवसायिक कृषि एवं पशुपालन क्षेत्रका रुपमा विकास गर्ने आफ्नो योजना रहेको बताउनु भएको छ ।सहमहामन्त्री राठौरले खजुरा बजार पहिले विमानस्थल र खाद्य भण्डारका रुपमा यस क्षेत्रमै चर्चित र व्यस्त बजार रहेकोमा पछिल्लो राजनीतिक नेतृत्वले खजुरालाई अगाडी बढाउन नसकेको बताउनु भयो ।

आफु बाल्य एवं युवाकालमा खजुराको विमानस्थल प्रयोग गरेर आवतजावत गर्ने गरेको स्मरण गर्नुहुँदै सहमहामन्त्री राठौरले खजुरा बजार भित्रका गाउँहरुले खाद्यान्न उत्पादन गरेर देशका विभिन्न भागमा पठाउने विगतलाई पुनःस्थापित गर्ने खालको कार्यक्रम ल्याउने बताउनुभयो ।

सहमहामन्त्री राठौरले २ वर्षभित्र नेपालगञ्ज गुलरिया सडकलाई फोर लेन बनाउने तथा पेडारीसहितका नालामा अत्याधुनिक पूल निर्माण गर्ने आफ्नो घोषणापत्रमा उल्लेख गरेको बताउनुभयो । रासस