श्रावण १, २०८२ बिहिबार
July 17, 2025
युग खबर
२०७९ मंग्सिर १०, शनिबार
काठमाण्डौंः चितवन क्षेत्र नम्बर ३ बाट प्रतिनिधिसभा सदस्यका लागि भएको निर्वाचनमा राप्रपाका विक्रम पाण्डे निर्वाचित भएका छन् । ३४ हजार ३६२ मतसहित पाण्डे निर्वाचित भएका हुन् । उनले माओवादीका उम्मेदवार डा. भोजराज अधिकारीलाई पराजित गरे ।
निकटताम प्रतिस्पर्धी डा. अधिकारीले २४ हजार ६७१ मत ल्याए । राष्ट्रिय स्वतन्त्र पार्टीका उम्मेदवार जीता बरालले १४ हजार ७७९ तथा एमालेले समर्थन जनाएका कांग्रेसका बागी उम्मेदवार दिनेश कोइरालाले १२ हजार ५७ मत प्राप्त गरे ।
पाण्डे ०७४ मा यही क्षेत्रबाट माओवादी अध्यक्ष प्रचण्डसँग पराजित भएका थिए । यसपटक सुरुमा यही क्षेत्रबाट उम्मेदवारी दिने चर्चा रहे पनि प्रचण्डले पछि गोरखाबाट उम्मेदवारी दिए ।
कांग्रेसले गठबन्धनको साझा उम्मेदवारका रूपमा माओवादीका उम्मेदवार डा. अधिकारीलाई अघि बढाएपछि कांग्रेस नेता कोइरालाले स्वतन्त्र उम्मेदवारी दिएका थिए ।
पछि उनलाई एमालेले समर्थन गरेको थियो । एमाले अध्यक्ष केपी शर्मा ओलीले केन्द्रबाटै एमालेको उम्मेदवारी फिर्ता गराई कोइरालालाई समर्थन जनाएका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया