काभ्रे -१ मा माओवादी केन्द्रका सूर्यमान दोङ विजयी

काठमाण्डौंः काभ्रेपलाञ्चोक प्रतिनिधि सभा क्षेत्र नं १ मा माओवादी केन्द्रका नेता सूर्यमान दोङ विजयी भएका छन्। नेकपा एमालेका केन्द्रीय सदस्य रेशम लामालाई तीन हजार नौ सय ६४ मतले पछि पार्दै दोङ विजयी भएका हुन्।

दोङले ३४ हजार चार सय १२ मत प्राप्त गरेका छन् ।उनका निकटतम प्रतिस्पर्धी लामाले ३० हजार पाँच सय ४८ मत प्राप्त  गरेका छन् । दोङ २०७० को दोस्रो संविधानसभाको निर्वाचनमा भने साविकको निर्वाचन क्षेत्र नं १ मा नेपाली कांग्रेसका उम्मेदवार तिर्थ लामासँग पराजित भएका थिए ।

काभ्रेका कुल मतदाता तीन लाख १० हजार ६३ मतदातामध्ये क्षेत्र नम्बर १ मा १ लाख ५२ हजार ६ सय २१ मतदातामा रहेकोमा ५९ हजार १ सय ४९ मत खसेको थियो। दुई प्रतिनिधि सभा क्षेत्र र चार प्रदेश सभा क्षेत्र रहेको काभ्रे जिल्लामा सबै क्षेत्रको प्रत्यक्षतर्फको मतपरिणाम सार्वजनिक भइसकेको छ ।प्रतिनिधि सभा २ मा नेकपा एमालेका उम्मेदवार गोकुल बस्कोटा विजयी भइसकेका छन् ।