श्रावण १, २०८२ बिहिबार
July 17, 2025
युग खबर
२०७९ मंग्सिर १०, शनिबार
काठमाण्डौंः मोरङ निर्वाचन क्षेत्र नं १ मा सम्पन्न प्रतिनिधी सभा निर्वाचनमा नेपाली कांग्रेसका डिगबहादुर लिम्बू निर्वाचित भएका छन् । निर्वाचन कार्यालयका अनुसार लिम्बूले २७ हजार २९७ मत प्राप्त गरेका छन् ।
उहाँका प्रतिस्पर्धी नेकपा एमालेका घनश्याम खतिवडाले २६ हजार ८६७ मत प्राप्त गर्नुभयो । यसअघि २०७४ सालको निर्वाचनमा खतिवडाले लिम्बूलाई पराजित गरेका थिए ।
यस निर्वाचन क्षेत्र अन्तर्गत प्रदेशसभा १ मा एमालेका उमाकान्त गौतम विजयी भएका छन् । उनले १३ हजार ५३१ मत प्राप्त गर्नुभयो भने वाम लोकतान्त्रिक गठबन्धनका तर्फबाट नेकपा माओवादी केन्द्रका कुशल साम्वाले १० हजार ४ मत प्राप्त गरे ।
यस्तै प्रदेशसभा २ मा एमालेका खड्गबहादुर बस्नेत विजयी भएका छन् । उनले १४ हजार ५३९ मत प्राप्त गरेभने उनका प्रतिस्पर्धी माओवादी केन्द्रका उपेन्द्रप्रसाद घिमिरेले १३ हजार ८ सय ६३ मत प्राप्त गरे ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया