असार ३१, २०८२ मंगलबार
July 15, 2025
युग खबर
२०७९ मंग्सिर १५, बिहिबार
काठमाण्डौंः कैलालीको धनगढीमा ग्रेडरले कुल्चिदा (किच्दा) एक छात्राको मृत्यु भएको छ ।
धनगढी उपमहानगरपालिका ५ हसनपुरमा ना १ क ९७५ नं को ग्रेडरले कुल्चिदा १५ बर्षिया चेतना साउदको मृत्यु भएको जिल्ला प्रहरी कार्यालय कैलालीका प्रवक्ता एंव डिएसपी बेदप्रकाश जोशीले बताउनु भयो ।
धनगढी तारानगर बस्ने साउद पञ्चोदय मावि कक्षा ८ मा अध्यनरत विधार्थी हुन् । आज विहान स्कुल जाँदै गरेकी उनलाई ग्रेडरले किचेको प्रत्यक्षदर्शीको भनाई छ ।
सडक लेवल मिलाउदै ग्रेडर ब्याक गर्ने क्रममा साईकलमा रहेकी चेतनालाई कुल्चिएको र उनको घटनास्थलमै मृत्यु भएको प्रहरीले जनाएको छ ।
सहपाठीको मृत्युपछि आक्रोसित भएका विधार्थीहरुले प्रदर्शन गर्दै हसनपुर (पिपलचौतरा) सडकखण्ड अवरुद्ध गरेका छन् । घटनास्थलमा ठुलो सख्यामा प्रहरी परिचालन गरिएको र ग्रेडर तथा चालकलाई नियन्त्रणमा लिईएको प्रहरीको भनाई छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया