राष्ट्रसंघको शरणार्थीसम्बन्धी निकायबाट किन अलग भइन जोली ?

काठमाण्डौः हलिउड अभिनेत्री एन्जेलिना जोलीले संयुक्त राष्ट्रसंघको शरणार्थी एजेन्सीसँग २० वर्षभन्दा बढी काम गरेपछि युएनएचसीआरको विशेष दूतको भूमिकाबाट राजीनामा दिएको घोषणा गरेकी छन् ।

विगत दुई दशकहरूमा आफ्नो घरबाट विस्थापित लाखौं मानिसहरूको दुर्दशामा स्पटलाइट चम्काउँदै, ४७ वर्षीय जोलीले युएनएचसीआरसँग ६० भन्दा बढी फिल्ड मिसनहरू सम्पन्न गरिसकेकी छिन् ।

२० वर्ष संयुक्त राष्ट्रसंघीय प्रणालीमा काम गरेपछि मलाई लाग्छ कि यो मेरो लागि फरक तरिकाले काम गर्ने, शरणार्थीहरू र स्थानीय संगठनहरूसँग प्रत्यक्ष संलग्न हुने र समाधानका लागि उनीहरूको वकालतलाई समर्थन गर्ने समय हो भन्ने मलाई लाग्छ’, जोलीले एक विज्ञप्तिमा भनेकी छिन ।

शरणार्थी र अन्य विस्थापित मानिसहरूलाई सहयोग गर्न आउने वर्षहरूमा सहयोग जारी राख्ने उनले बताएकी छिन् । ओस्कार विजेता जोलीले सन् २००१ देखि युएनएचसीआरमा काम गरिरहेकी छिन् र सन् २०१२ मा विशेष दूत बनिन् । एजेन्सी