श्रावण ७, २०८२ बुधबार
July 23, 2025
युग खबर
२०७९ पुष २४, आइतबार
काठमाडौं : प्रधानमन्त्री पुष्पकमल दाहाल प्रचण्डको उपस्थितिमा सत्ता साझेदार दलहरुको बैठक सुरु भएको छ । प्रधानमन्त्रीको सरकारी निवास बालुवाटारमा सत्ता साझेदार दलका शीर्ष नेताहरूको बैठक केहीबेर अघिदेखि सुरु भएको हो ।
बैठकमा पर्सि प्रधानमन्त्री दाहालले प्रतिनिधिसभामा पेस गर्ने विश्वासको मत, सरकार विस्तार, प्रदेशका मुख्यमन्त्री भागबन्डालगायत विषयमा छलफल गर्ने एजेन्डा रहेको छ ।
बैठकमा प्रधानमन्त्री दाहाल, एमाले अध्यक्ष केपी शर्मा ओली, उपप्रधामन्त्रीसमेत रहेका राष्ट्रिय स्वतन्त्र पार्टीका सभापति रवि लामिछाने, राष्ट्रिय प्रजातन्त्र पार्टीका अध्यक्ष राजेन्द्र लिङ्देन, जनता समाजवादी पार्टीका अध्यक्ष उपेन्द्र यादव र जनमत पार्टीका अध्यक्ष सिके राउत सहभागी छन् ।
बैठकमा समसामयिक राजनीतिक घटनाक्रम, प्रदेशहरूमा कहाँ कसले मुख्यमन्त्री लिनेजस्ता विषयमा छलफल हुने बताइएको छ। प्रदेश नम्बर १ मा भने नेकपा एमालेका सांसद हिक्मत कार्की मुख्यमन्त्री नियुक्त भइसकेका छन्। अन्य प्रदेशमा मुख्यमन्त्री नियुक्तिमा दाबी पेश गर्न प्रदेश प्रमुखहरूले समय दिएका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया