असार ३०, २०८२ सोमबार
July 14, 2025
युग खबर
२०८० असार २४, आइतबार
काठमाण्डौंः प्रमुख प्रतिपक्षी दल नेकपा एमालेको अवरोधका कारण राष्ट्रियसभा बैठकमा स्थगित भएको छ ।
आइतबार पनि एमालेले प्रधानमन्त्री पुष्पकमल दाहाल प्रचण्डको राजीनामा माग्दै अवरोध जारी राखेपछि राष्ट्रियसभाको बैठक स्थगित भएको हो । राष्ट्रियसभाको अर्को बैठक सोमबार बिहान ११ बजेर १ मिनेटमा बस्ने छ ।
राष्ट्रियसभा अध्यक्ष गणेश तिमिल्सिनाले सदनको अवरोध हटाउन पहल गर्न प्रधानमन्त्री पुष्पकमल दाहाल प्रचण्डलाई आह्वान गरेका छन् । ‘चार दिनदेखि सदन अवरोध हुँदै आएको छ । प्रधानमन्त्रीलाई सत्तापक्ष र प्रतिपक्षसँग आपसी संवाद गर्न आह्वान गर्दछु,’ उनले भने ।
यसअघि बैठकको सुरुमा बोल्दै एमाले सांसद भगवती न्यौपानेले प्रधानमन्त्री पुष्पकमल दाहाल प्रचण्डले राजीनामा नदिएसम्म बैठकको कारबाही अघि बढाउन नदिने चेतावनी दिइन् ।
उनले प्रचण्डलाई प्रधानमन्त्रीको कुर्सीमा बस्ने नैतिक आधार नभएको पनि बताइन् । उनले प्रधानमन्त्रीबाट प्रचण्डको बहिर्गमन नभएसम्म सदनमा आफ्नो दलको अवरोध कायमै रहने बताइन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया