सुनचाँदीको मूल्य ह्वात्तै घट्यो

काठमाडौंः नेपाली बजारमा बिहिबार सुनको मूल्य ह्वात्तै घटेको छ । नेपाल सुनचाँदी व्यवसायी महासंघका अनुसार आज सुनको मूल्य १४ सय रुपैयाँले घटेको छ । योसँगै आज छापावाला सुनको मूल्य प्रतितोला १ लाख ९ हजार ६ सय रुपैयाँ कायम भएको छ ।

हिजो बुधबार छापावाला सुनको मूल्य प्रतितोला १ लाख ११ हजार र तेजाबी सुनको मूल्य प्रतितोला १ लाख १० हजार ४ सय ५० रुपैयाँमा कारोबार भएको थियो । त्यस्तै तेजाबी सुनको मूल्य प्रतितोला १ लाख ९ हजार १ सय रुपैयाँमा कारोबार भइरहेको छ ।

यता, चाँदी पनि १५ रुपैयाँले घटेको छ । आज चाँदी प्रतितोला १३ सय ७० रुपैयाँ कायम भएको महासंघले जनाएको छ । अघिल्लो दिन चाँदी प्रतितोला १३ सय ८५ रुपैयाँमा कारोबार भएको थियो ।