भाद्र ११, २०८३ बिहिबार
August 27, 2026
युग खबर
२०७७ असार ३१, बुधबार
काठमाण्डौंः सत्तारुढ दल नेपाल कम्युनिष्ट पार्टी (नेकपा) अध्यक्षद्वयबिच छलफल जारी रहेको छ । बुधबार बिहान साँढे ११ बजेदेखी दुई अध्यक्षबीच वार्ता जारी रहेको हो । प्रधानमन्त्री निवाश बालुवाटारमा जारी वार्तामा पार्टीभित्र देखिएको असहज परिस्थितिलाई कसरी सम्बोधन गर्न सकिन्छ भनेर दुवै अध्यक्ष छलफलमा केन्द्रित रहेपनि निर्णायक हुने वा के हुने भन्ने आशंका उब्जिएको छ ।
पार्टी भित्रको विवाद सतहमा आइरहेका बेला समाधानका लागि भन्दै दुई अध्यक्षबीच पटक पटक वार्ता हुँदै आएको छ । तर हालसम्म भएका कुनै पनि वार्ताले सार्थक परिणाम दिन सकेको छैन । पछिल्ला केही दिन यता नेकपाको विवाद समाधान उन्मुख भएको बताइएपनि ठोस सहमतिमा पुग्न नसक्दा अन्याैल आशंका दुबै देखिएको छ ।
मंगलबार अध्यक्षद्वयवीच भएको वार्ताले पनि कुनै निष्कर्ष दिन भने सकेन । यही अन्याैलका बिच गत असार १० गतेदेखि शुरु भएको स्थायी कमिटी बैठक पनि पटक पटक स्थगित हुँदै आएको छ । पछिल्लो पटक साउन २ सम्म बैठक स्थगित छ ।
आज हुने वार्ता निर्णायक हुने भनिएको छ । यद्दपी यस अघिका वार्ताबाट कुनै उपलब्धि नभएको अवस्थामा आज पनि के होला यसै भन्न सक्ने अवस्था भने छैन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया