जाजरकोट कुशे ७ को वडाध्यक्षमा काँग्रेसका सिंह विजयी

जाजरकोट, मङ्सिर १६ गते । जाजरकोट कुशे गाउँपालिका –७ को वडाअध्यक्षको लागि आज भएको उपनिर्वाचनमा नेपाली काँग्रेसका उम्मेदवार खम्ववहादुर सिंह विजयी हुनु भएको छ ।

निर्वाचन कार्यालयका अनुसार सिंहले ३ सय ४७ मत प्राप्त गर्दा उहाँका निकटतम प्रतिद्वन्द्वी नेकपा (माओवादी केन्द्र) का गोरखवहादुर नेपालीले ३ सय ३२ मत प्राप्त गर्नु भयो ।

त्यस्तै, नेकपा (एमाले) का डम्वरवहादुर घर्तिले  २ सय ५२ मत प्राप्त गर्नुभएको छ । माओबादी केन्द्रका उम्मेदवार नेपाली हालै प्राथमिक तहको स्थानीय शिक्षकवाट राजीनामा दिएर वडाअध्यक्षको उम्मेदवार वन्नु भएको थियो ।

यस वडामा २०७४ मा नेपाली काँग्रेसले जियी हाँसील गरेको थियो । २०७९ मा नेकपा माओबादी केन्द्रले विजयी हाँसील गरेको थियो । कुल ९ सय ४८ मत खसेको निर्वाचन कार्यालयले जानकारी गराएको छ । यस वडामा ७ मा जम्मा १ हजार ३०२ मतदाता रहेको थियो ।