असार २९, २०८२ आइतबार
July 13, 2025
युग खबर
२०८१ माघ १३, आइतबार
काठमाडौं । राष्ट्रिय स्वतन्त्र पार्टी (रास्वपा) ले सचिवालय बैठक बोलाएको छ ।सोमबार (भोली) बस्नेगरी रास्वपाले सचिवालय बैठक बोलाएको हो ।
रास्वपाकी कार्यवाहक प्रवक्ता प्रतिभा रावलका अनुसार सचिवालय बैठकमा विभिन्न ७ एजेण्डामा केन्द्रित रहेर छलफल हुनेछ ।
बैठकमा समसामयिक राजनीति र पार्टी गतिविधि, सातै प्रदेशमा विशेष भेटघाट कार्यक्रम (पदाधिकारीको नेतृत्वमा), स्वतन्त्र जनप्रतिनिधिहरूको रास्वपा आबद्धता हुने सम्बन्धमा, संसद् अधिवेशन, सल्लाहकार परिषद् र केन्द्रीय सङ्गठन विभागमा मनोनयन लगायतका विषय छलफल हुने उनले बताइन् ।
त्यस्तैगरी बैठकमा पार्टीका विभिन्न नियमावलीहरू विभाग सञ्चालन नियमावली २०८१ (संशोधन प्रस्ताव) र नयाँ नियमावलीहरू प्रस्ताव (सङ्गठन विभाग नियमावली २०८१, निर्वाचन आयोगको नियमावली २०८१, प्रवास नेपाली सम्पर्क विभागको नियमावली २०८१, र्याट विभाग नियमावली २०८१) लगायतका विषयमा समेत छलफल हुनेछ ।
बैठकका लागि देशका विभिन्न स्थानमा पुगेका रास्वपाका नेताहरुलाई काठमाडौं बोलाइएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया