राप्रपाका युवा नेता केसी २५ हजार धरौटीमा रिहा

काठमाडौँ । राष्ट्रिय प्रजातन्त्र पार्टी (राप्रपा)का युवा नेता सुजित केसी रिहा भएका छन् । जिल्ला अदालत काठमाडौंले उनलाई २५ हजार रुपैयाँ धरौटीमा छाडेको हो ।

कांग्रेस सभापति शेरबहादुर देउवा र परराष्ट्रमन्त्री आरजु राणाका छोरा जयवीरसिंह देउवाको जाहेरीमा उनी थुनामा परेका थिए ।

हिल्टन होटल खरिद गरेको स्टाटस लेखेपछि उनीविरुद्ध जाहेरी परेको थियो ।

आज भएको थुनछेक बहसमा न्यायाधीस विष्णु प्रसाद अवस्थितको इजलासले आज उनलाई धरौटीमा छोड्न आदेश गरेको हो ।