नेपालमा थप ८५५ जनामा कोरोना संक्रमण पुष्टिः ३ सय १३ जना निको भएर घर फर्किए

काठमाडौंः उपत्यकामा विगत २४ घन्टामा २३२ जना कोरोना संक्रमित थपिएका छन् । स्वास्थ्य मन्त्रालयको नियमित प्रेस ब्रिफिङमा मंगलवार स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले उक्त जानकारी दिएका हुन् ।

पछिल्लो २४ घण्टामा काठमाडौंमा १९९, ललितपुरमा १४ र भक्तपुरमा १९ जनामा कोरोना संक्रमण पुष्टि भएको छ ।

योसँगै काठमाडौं उपत्यकाका तीन जिल्लामा ३ हजार ५ सय ५२ जनामा संक्रमण देखिएको छ । नेपालमा पछिल्लो २४ घन्टामा ८५५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

थपिएका मध्ये २७१ जना महिला र ५८४ जना पुरूष छन्। यो सँगै नेपालमा कोरोना संक्रमितको कुल संख्या ३३ हजार ५३३ पुगेको छ ।

स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले (कोभिड १९) संक्रमण पुष्टि भएका संक्रमितहरु सबैको स्वास्थ्य अवस्था सामान्य रहेको छ ।

मन्त्रालयका अनुसार पछिल्लो २४ घन्टामा ३१३ जना निको भएर घर फर्किएका छन् । यो  सँगै कुल डिस्चार्ज हुनेको संख्या १९ हजार १ सय १९ पुगेको छ। पछिल्लो २४ घन्टामा नेपालमा थप ७ जनाको मृत्यु भएको मन्त्रालयले जनाएको छ। यो सँगै कोरोना संक्रमणका कारण हालसम्म १६४ जनाको ज्यान गइसकेको छ ।