एकैदिनमा कोरोनाबाट ८ जनाको ज्यान गयो, मृतकको संख्या १८३ पुग्यो

काठमाण्डाैंः पछिल्लो २४ घण्टामा कोरोनाका कारण देशभर ८ जनाको मृत्यु भएको छ ।

स्वास्थ्य तथा जनसंख्या मन्त्रालयमा आयोजित प्रेस व्रिफिङ्गका क्रममा मन्त्रालयका प्रवक्ता प्राडा. जागेश्वर गौतमले दिएको जानकारी अनुसार मृत्यु हुनेमा ५  महिला छन् भने ३ पुरुष रहेका छन् ।

यसैगरी ललितपुर,  बारा,  कास्की, बाँके र रुपन्देहीका १/१ जना महिलाको मृत्यु भएको छ भने काठमाडौं, पर्सा र कपिलबस्तुका १/१ पुरुषको मृत्यु भएको छ। अहिलेसम्म जम्मा १८३ जनाको मृत्यु भएको छ।

पछिल्लो २४ घण्टामा १ हजार १११ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १२६२९ जनाको पिसिआर परीक्षण गर्दा ११११ जनामा संक्रमण पुष्टि भएको हो।