देशभर १२ सय २१ कोरोना संक्रमित थपिए, २ सय ६७ जना निको भएर घर फर्किए

काठमाण्डौंः नेपालमा पछिल्लो २४ घण्टामा थप १२ सय २१ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नेपालमा कुल संक्रमितको संख्या ३८ हजार ५ सय ६१ पुगेको जानकारी दिए ।

त्यस्तै पछिल्लो २४ घण्टामा २ सय ६७ जना संक्रमित निको भएका छन् भने अहिलेसम्म नेपालमा २० हजार ८ सय २२ जना कोरोना संक्रमित उपचारपछि निको भएर घर फर्किएका छन् ।

त्यस्तै काठमाण्डाैं उपत्यकामा ४ सय २९ जना संक्रमित थपिएका छन् । सक्रिय संक्रमितको संख्या १७ हजार ५ सय १८ रहेको छ । होम आइसोलेसनमा रहनेहरुका संख्या ६ हजार ९ सय रहेको छ । विगत २४ घण्टामा १२ हजार ७ सय १७ जनाको पिसिआर परीक्षण भएको छ ।

नेपालमा पछिल्लो २४ घण्टामा थप १४ जनाको मृत्यु भएको छ । योसँगै मृतकको संख्या दुई सय २१ पुगेको छ ।