नेपालमा कोरोना संक्रमितको कुल संख्या ४१ हजार ६ सय ४९ पुग्योः आजैमात्र ११ सय १२ जना डिस्चार्ज

काठमाडौंः नेपालमा थप १ हजार १ सय २० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा बुधबार मन्त्रालयका प्रवक्ता प्राडा. जागेश्वर गौतमले देशभरका बिभिन्न प्रयोगशालामा गरिएको परिक्षणमा देशभर १ हजार १ सय २० जनामा कोरोना संक्रमण पुष्टि भएको जानकारि दिए ।

यो सँगै नेपालमा कुल संक्रमितको संख्या ४१ हजार ६ सय ४९ पुगेको छ । आज सक्रिय संक्रमितको संख्या १८ हजार १०८ रहेको प्रवक्ता गौतमले जानकारि दिए ।

यस्तै थप १ हजार १ सय १२ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या २३ हजार २ सय ९० पुगेको छ । यो संख्या कुल संक्रमितको ५६ प्रतिशत हो । आज देशभर ६ हजार ७६६ जना क्वारेन्टाइनमा छन् ।