असार २५, २०८२ बुधबार
July 9, 2025
युग खबर
२०७७ भाद्र १९, शुक्रबार
काठमाण्डौंः अर्थ, सुचना तथा सञ्चारमन्त्री डा. युवराज खतिवडाले पदबाट राजीनामा दिएपछि उनले सम्हालेका सबै मन्त्रालयको जिम्मेवारी हाललाई प्रधानमन्त्री केपी शर्मा ओलीले नै सम्हाल्ने भएका छन् ।
अर्थ, सूचना तथा सञ्चार मन्त्रालयको जिम्मेवारी सम्हालेका डा. खतिवडाले शुक्रबार पदबाट राजीनामा दिएका थिए । खतिवडाले दिएको राजीनामाको जानकारी र मन्त्रालयको जिम्मेवारीमा गरिएको हेरफेरको जानकारी राष्ट्रपति विद्यादेवी भण्डारीलाई दिइएको थियो ।
राष्ट्रपति भण्डारीबाट मन्त्रालयको जिम्मेवारीमा भएको हेरफेरलाई स्वीकृत गरिएको छ । नेकपाका उपाध्यक्ष वामदेव गौतमलाई राष्ट्रिय सभाको रिक्त सदस्य पदमा मनोनित गर्नेबारेको कुनै सिफारिस भने राष्ट्रपति कार्यालयमा पुगि नसकेको शितलनिवास स्रोतले बतायो ।
प्रधानमन्त्री केपी शर्मा ओलीले शुक्रबार बसेको मन्त्रीपरिषद् बैठकमा पनि गौतमलाई राष्ट्रिय सभामा सिफारिस गर्ने प्रस्ताव ल्याएका थिएनन्। सो मन्त्रीपरिषद् बैठकमा गौतमको नाम सिफरिस गर्न प्रस्ताव आउने आकलन गरिएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया