असोज ५ गतेदेखि आन्तरिक उडान र लामो दूरीको यातायात सञ्चालन गर्न दिने सरकारको निर्णय

काठमाडौंः मन्त्रिपरिषदको बैठकले असोज ५ गतेदेखि आन्तरिक उडान र लामो दूरीको यातायातका साधन सुचारु गर्न दिने निर्णय गरेको छ ।

प्रधानमन्त्रीको सरकारी निवाश बालुवाटारमा बसेको मन्त्रिपरिषद्को बैठकले चैत ११ गतेदेखि बन्द रहेका आन्तरिक उडान र लामो दूरीको यातायात असोज ५ गतेदेखि खुला गर्ने निर्णय गरेको हो ।

सोमबार साँझ बसेको मन्त्रिपरिषद् बैठकले स्वास्थ्यसम्बन्धी मापदण्ड पालना गरेर हवाई उडान र सार्वजनिक लामो दूरीका यातायात खोल्ने निर्णय भएको हो । विश्व महामारी कोरोना भाईरसको बढ्दो संक्रमणका कारण देखाउदै सरकारले गत चैतमा लकडाउन घोषणा गरेयता आन्तरिक उडान बन्द गरेको थियो ।