शंकरदास वैरागीलाई मुख्यसचिव नियुक्त गर्ने मन्त्रिपरिषद् बैठकको निर्णय

काठमाण्डौंः मन्त्रिपरिषद बैठकले परराष्ट्र सचिव शंकर दास वैरागीलाई मुख्यसचिव नियुक्तीको लागी सिफारिस गरेको छ । आज  बिहिबार प्रधानमन्त्रीको सरकारी निवाश बालुवाटारमा बसेको मन्त्रिपरिषद बैठकले वैरागीलाई मुख्यसचिव नियुक्ति गर्ने निर्णय गरेको हो ।

मुख्यसचिवमा राजीनामा दिएका लोकदर्शन रेग्मी बेलायतका लागि राजदूतका लागि सिफारिश भएका छन् । उनले आजै विहान मात्रै राजीनामा दिएका थिए । आगामी कात्तिक ३ गते सेवानिवृत्त हुने भएपनि परराष्ट्र सचिव वैरागीलाई मुख्यसचिव बनाउन उनको राजीनामा आएको हो ।

यसैगरी पूर्व अर्थमन्त्री डा. युवराज खतिवडा अमेरिकाका लागि राजदूत सिफारिश भएका छन् । खतिवडा तीन हप्ता अघि मात्रै प्रधानमन्त्री केपी शर्मा ओलीका आर्थिक मामला विशेष सल्लाहकार नियुक्त भएका थिए ।