अनिश्चित बन्दै नेकपा केन्द्रिय समितिको बैठक

काठमाडौंः सत्तारुढ दल नेपाल कम्युनिष्ट पार्टी (नेकपा) को केन्द्रीय समिति बैठक अनिश्चित भएको छ । कात्तिक १५ गतेदेखि १७ गतेसम्म काठमाण्डौंमा केन्द्रीय समिति बैठक बस्ने निर्णय गरेपनि कोरोना संक्रमतिको संख्या बढदै गएकाले बैठक हुने सम्भावना कम हुँदै गएको हो ।

एक-दुई दिनमा सचिवालय बैठक बसेर वैठक स्थगित गर्ने या सार्ने सत्तारुढ नेकपाको तयारी छ । चार सय ४७ सदस्सीय केन्द्रीय समिति बैठक उपत्यकामा कोरोना संक्रमितको संख्या थपिईरहेको समयमा गर्न कठिन हुने निस्कर्षमा नेकपा नेतृत्व पुगेको हो ।

केन्द्रीय समिति बैठकबाट नेकपाले महाधिवेशन सम्बन्धी कार्ययोजना पारित गर्ने तयारी गरेको छ । केन्द्रीय समिति अनिश्चत भएसँगै चैतमा तोकिएको महाधिवेशन पनि प्रभावित हुने भएको छ ।

पछिल्लो समय राजदूत नियुक्ति र कर्णाली प्रदेश विवाद लगायतले अध्यक्ष एबं प्रधानमन्त्री केपी ओली र अर्का अध्यक्ष पुष्पकमल दाहालविच विवाद थप चुलिएपछि बैठक झनै अनिश्चित भएको नेकपाका नेताहरुले बताएका छन् ।