हिन्दु राष्ट्र तथा राजसंस्था स्थापनाको माग गर्दै रौतहटमा राजाबादीहरुको प्रदर्शन

काठमाण्डौंः हिन्दु राष्ट्र तथा राजसंस्था स्थापनाको माग गर्दै नेपाल राष्ट्रवादी समूहले रौतहटको गौरमा मोटरसाइकल र्‍याली प्रदर्शन गरेका छन् ।

बिहिवार उनीहरुले हिन्दु राष्ट्र कायम हुनुपर्ने, राजसंस्था सहितको प्रजातन्त्र स्थापना हुनुपर्ने लगायतका नारा लगाउँँदै र्‍याली निकालेका थिए । राजनीतिक दलका नेताहरुका कारण मुलुकमा भ्रष्टाचार बढेको र जनताले दुःख मात्रै पाएको उनीहरुको तर्क थियो ।

नेपाल राष्ट्रवादी समूह रौतहटका अध्यक्ष वीरेन्द्रकुमार गिरीका अनुसार राजनीतिक दलका नेताहरुले देश बनाउन कष्ट नगरेको भन्ने तर्क दिदैं राजासहितको प्रजातन्त्रको लागि दवाव कार्यक्रम गरेको बताउँछन् ।

गौरबाट सुरु भएको मोटरसाइकल र्‍याली ४२ किलोमिटर उतर चन्द्रनिगाहपुरसम्म पुगेको थियो ।

बुधबार पनि पोखरामा राजसंंस्था फिर्ता चाहियो भन्दै सयौं युवाहरुले कार, मोटरसाइकल र्‍याली निकालेका थिए ।