श्रावण ६, २०८२ मंगलबार
July 22, 2025
युग खबर
२०७७ चैत्र ११, बुधबार
काठमाण्डौंः उद्योगपति राजेशकुमार अग्रवाल नेकपा (एमाले)मा प्रवेश गरेका छन् । प्रधानमन्त्री निवास बालुवाटारमा आज आयोजित कार्यक्रममा प्रधानमन्त्री एवं पार्टी अध्यक्ष केपी शर्मा ओलीले अग्रवाललाई खादा लगाई पार्टीमा स्वागत गरेका थिए ।
प्रधानमन्त्रीले स्वागतपश्चात् पार्टीमा अग्रवालबाट राम्रो भूमिका निर्वाह हुने विश्वाससमेत व्यक्त गरे । भैरहवा निवासी ४९ वर्षीय अग्रवाल अर्घाखाँची सिमेन्ट र श्री स्टिल प्रालिको महाप्रबन्धकसमेत छन् । लामो समयदेखि उद्योग व्यवसायीको हितमा कार्यरत उनी हाल नेपाल उद्योग वाणिज्य महासङ्घको केन्द्रीय सदस्य पनि छन् ।
आफू यसअघि कुनै राजनीतिक दलसँग आबद्ध नभएका उनी प्रधानमन्त्री ओलीले विकास र समृद्धिका लागि मुलुकलाई नेतृत्व दिइरहेकाले उनको पार्टी एमालेमा प्रवेश गरेको बताए । “प्रधानमन्त्रीको कदममा हामी उद्योग व्यवसायीले पनि साथ दिनुपर्छ भन्ने लागेर पार्टीमा प्रवेश गरेको हुँ”, उनले भने । केही दिनअघिमात्र किशोर प्रधानको नेतृत्वमा १०० बढी उद्योग व्यवसायी एमालेमा प्रवेश गरेका थिए । रासस
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया