बेपत्ता भएका जनमोर्चाका सांसद शाही अस्पतालको आईसीयूमा भेटिए

काठमाण्डौंः गण्डकी प्रदेशका मुख्यमन्त्री पृथ्वीसुब्बा गुरुङविरुद्ध प्रदेशसभामा अविश्वास प्रस्तावमाथि छलफल चलिरहेका बेला सम्पर्कबिहिन रहेका गण्डकी प्रदेशसभाका सांसद खिमबिक्रम शाही पोखराको एक अस्पतालमा भेटिएका छन् ।

उनी चरक अस्पतालको कोभिड-१९ उपचार गर्ने आईसीयूमा भेटिएका हुन् । आज (बुधबार) दिउँसो अचानक बिरामी भएपछि उनलाई अस्पताल भर्ना गरिएको उनका स्वकीय सचिव मीलन हमालले जानकारी दिएका छन् । उनका अनुसार सांसद शाहीलाई के समस्या भएको भन्ने अझैसम्म खुलिसकेको छैन् ।

यद्दपी उनी सम्पर्कविहीन भएपछि बुधबार प्रदेशसभामा मुख्यमन्त्रीविरुद्धको अविश्वास प्रस्तावमाथिको मतदान रोकिएको छ ।