श्रावण ८, २०८२ बिहिबार
July 24, 2025
युग खबर
२०७८ बैसाख २४, शुक्रबार
काठमाडौंः सत्तारुढ दल नेकपा एमाले स्थायी कमिटी बैठक बालुवाटारमा जारी छ । राष्ट्रिय सभा उपनिर्वाचनमा उम्मेद्वारी घोषणा र पार्टीभित्रको आन्तरिक विवाद समाधानका विषयमा छलफल गर्न बैठक बसेको हो ।
प्रधानमन्त्री निवाश बालुवाटारमा शुक्रबार बिहान १० बजेदेखी जारी बैठकमा पार्टीका असन्तुष्टहरुलाई कुनै न कुनै रुपमा सहमति गर्ने बिषयमा केन्द्रित रहेर छलफल अघी बढेको बैठकमा सहभागी एक नेताले बताए ।
बैठकअघी प्रधानमन्त्री ओलीले बिहानमात्रै बालुवाटारमा ईश्वर पोखरेल, सुवास नेम्वाङ, विष्णु पौडेल, प्रदीप ज्ञावाली लगायतका नेताहरुसँग छलफल गरिरहेका छन् ।
राष्ट्रिय सभा उपनिर्वाचनका लागि आज उम्मेद्वारी दर्ता गर्ने दिन पनि भएको र माधव समुहलाई सहमतिमा ल्याएर उम्मेदवारी घोषणा गरे जित्ने भएकोले पहिला दलभित्र सहमति गराउन छलफल जारी रहेको बताईएको छ ।
बैठकअघी प्रधानमन्त्री ओलीले बिहान बालुवाटारमा ईश्वर पोखरेल, सुवास नेम्वाङ, विष्णु पौडेल, प्रदीप ज्ञावाली लगायतका नेताहरुसँग छलफल गरेका थिए ।
बिहीबार राष्ट्रपति विद्यादेवी भण्डारीलाई साक्षी राखेर प्रधानमन्त्रीसमेत रहेका अध्यक्ष केपी शर्मा ओली र वरिष्ठ नेता माधव नेपालबीच विवाद नबढाउने सहमति भएको थियो।
नेताहरुबीच वरिष्ठ नेता नेपालसहितका नेतालाई गरिएको कारवाही फिर्ता गर्ने र नेपाल समूहले वैशाख २७ गते प्रधानमन्त्री ओलीलाई विश्वासको मत दिने विषयमा सहमति भएको थियो।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया