श्रावण ७, २०८२ बुधबार
July 23, 2025
युग खबर
२०७८ बैसाख २७, सोमबार
काठमाण्डौंः नेकपा एमालेका नेता वामदेव गौतमले बरिष्ट नेताद्धय माधव नेपाल र झलनाथ खनाल पक्षले नयाँ पार्टी गठन गरे आफू पनि उक्त पार्टीमा सहभागी हुने बताएका छन्। सोमबार गौतमका प्रेस संयोजक विश्वमणि सुवेदीले सामाजिक सञ्जालमा नेता गौतमको यस्तो धारणा सार्वजनिक गरेका हुन् ।
सुवेदीले सामाजिक सञ्जालमा सार्वजनिक गरेको वामदेव गौतमको जारी वक्तव्य :
१. अध्यक्ष ओलीसँग गरेको कुराकानीबारेः
पार्टी अध्यक्ष तथा प्रधानमन्त्री क. केपी शर्मा ओलीसँग उहाँले नेकपा (एमाले) को स्थिति २०७५ जेठ २ गतेसम्मको मानेर अगाडि बढ्नुपर्छ भन्ने आग्रह राख्नुभयो । तर, क. अध्यक्षले भन्नुभयो, ‘म ०७५ जेठ २ भन्दा धेरै अगाडि बढिसकेँ । त्यसैले म त्यस्तो काम गर्न सक्ने छैन ।’
यसको प्रतिउत्तरमा उपाध्यक्ष क.वामदेव गौतमले ‘त्यसो भए म तपाईंको साथमा छैन’ भन्नुभएको हो ।
२. क.माधव नेपालहरुका सन्दर्भमाः
वरिष्ठ नेता क।माधवकुमार नेपाल, झलनाथ खनाललगायतका नेता कमरेडहरुले नेकपा (एमाले) मै भएर समानान्तर गतिविधि गर्ने, कमिटीहरु बनाउनेजस्ता काममा मेरो सहमति छैन । तर, यदि उहाँहरुले चाहे संसदको ४० प्रतिशतसहित वा त्यो बाहेकको अवस्थामा पनि पार्टी विभाजन गरेर जानुहुन्छ भने म त्यो पार्टीमा सामेल हुनेछु ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया