सिटिईभिटि बाँकी परीक्षाफल प्रकाशनको अन्तिम तयारीमा

काठमाडौंः प्राविधिक शिक्षा तथा व्यावसायिक तालीम परिषद् (सिटिईभिटि) ले गत वर्ष लिएका परीक्षाको नतिजा प्रकाशनका लागि अन्तिम तयारीमा रहेको जनाएको छ । लिइएका परीक्षाहरु मध्ये धेरैको नतिजा प्रकाशन भइसकेको र प्रकाशन गर्न बाँकी रहेका केहि विषयहरुको परीक्षाफल प्रकाशनको अन्तिम तयारीमा रहेको जनाएको हो ।

गतवर्ष कोभिड १९ महामारीका कारण लकडाउन भएपछि चैत यता प्रभावित भएका परीक्षाहरु अवस्था सहज भएपछि सञ्चालन भएका थिए । साथै त्यसरी सञ्चालन भएका परीक्षाहरुको धेरैको नतिजा प्रकाशन भइसकेको र थोरै विषयको मात्र नतिजा प्रकाशन हुन बाँकी रहेको जनाकारी दिइएको छ ।

त्यस मध्ये प्रथम सेमेष्टरको बाँकी रहेका केहि विषयको परक्षिाफल प्रकाशनको अन्तिम तयारीमा रहेको र एक हप्तामा नतिजा प्रकाशन गरीने परीक्षा नियन्त्रक कृष्ण बहादुर केसीले बताउनु भएको छ ।

त्यस्तै वार्षिक प्रणालि अन्र्तगत तेस्रो वर्षका बाँकी रहेका सम्पुर्ण परीक्षाको नतिजा प्रकाशनको अन्तिम तयारीमा रहेको परीक्षा नियन्त्रक कृष्ण बहादुर केसीले खबर एजुकेशनलाई जानकारी दिनु भयो । “अहिले नतिजा प्रकाशन गर्नका लागि काम गरिरहेका छौं । कोभिड १९ महामारीले कर्मचारी अभाव भएको कारण प्रकाशनमा केहि ढिला भएको हो । यदी महामारीको अवस्था केहि सहज भयो भने आठ दश दिन भित्र नतिजा प्रकाशन हुन्छ । तर अवस्था जटलि भैरहयो भने केहि समय लाग्न सक्छ नियन्त्रक केसीले भन्नु भयो ।”खबर एजु.