बाल विकास केन्द्रका शिक्षकको तलब १५ हजार पुग्यो

काठमाण्डौंः सरकारले प्रारम्भिक बाल विकास केन्द्रका शिक्षक (बालविकास सहयोगी)को तलब वृद्धि गरेको छ। शनिबार बजेट प्रस्तुत गर्दै अर्थमन्त्री विष्णु पौडेलले १५ हजार रुपैयाँ पुर्‍याएकाे जानकारी गराएका हुन्।

अहिलेको पारिश्रमिकलाई बढाएर मासिक ८ हजार पुर्‍याइएको जानकारी दिँदै मन्त्री पौडेलले बालविकास सहजकर्ताको न्यूनत्तम तलब १५ हजार रुपैयाँ उपलब्ध गराउने व्यवस्था गरेको बताए । नपुग स्थानीय तहले व्यहोर्ने पनि अर्थमन्त्री पौडेलले बताए।

उनले त्यसका लागि सरकारले ५ अर्ब ५५ करोड बजेट विनियोजन गरिएको बताए।

प्रधानमन्त्री तथा मन्त्रिपरिषद्को कार्यालय बालुवाटारमा अर्थ मन्त्री विष्णु पौडेलले आउँदो आर्थिक वर्षका लागि बजेट भाषण गरिरहनुभएको छ ।