प्रधानमन्त्रीद्धारा खाेप उपलब्ध गराउने अमेरिकी घोषणाको स्वागत

काठमाण्डौंः प्रधानमन्त्री केपी शर्मा ओलीले खोप उपलब्ध गराउने अमेरिकी घोषणाको स्वागत गरेका छन्। प्रधानमन्त्री ओलीले बिहिबार साँझ ट्वीट गर्दै अमेरिकी घोषणाको स्वागत गरेका हुन्।

उनले कोभिडविरुद्ध खोप उपलब्ध गराउने घोषणामा अमेरिकी राष्ट्रपति जो बाइडेन र उपराष्ट्रपति कमला ह्यारिसलाई धन्यवाद समेत दिएका छन्।

प्रधानमन्त्री ओलीले उक्त घोषणाले नेपाल र अमेरिकाबीचको मैत्रीपूर्ण सम्बन्ध अझ प्रगाढ हुने पनि ट्वीटमार्फत व्यक्त गरेका छन् ।

संयुक्त राज्य अमेरिकाले एशियाका बिभिन्न १७ वटा देशलाई करिब ७० लाख डोज कोभिडविरुद्धको खोप उपलब्ध गराउने घोषणा गरेको छ। नेपाललाई दिइने भनिएको खोप पनि यसै घोषणा अन्तरगत पर्दछ। नेपालले ५० लाख डोज खोप प्राप्त गर्ने भनिएतापनि अहिले सम्म कति परिमाणमा खोप दिने भन्ने बारे खुलाइएको छैन ।