एमाले सुदूरपश्चिम प्रदेश संसदिय दलको प्रमुख सचेतकमा दुर्गा कामी नियुक्त

काठमाण्डौः नेपाल कम्युनिष्ट पार्टी एमालेले सुदूर पश्चिम प्रदेश सभा संसदीय दलको प्रमुख सचेतकमा दुर्गा कामीलाई नियुक्त गरेको छ।

संसदिय दलका नेता प्रकाश बहादुर शाहले प्रमुख सचेतकमा कामी नियुक्त गरेको जानकारी सभामुखलाई दिएका छन् ।

यस अघि जेठ १४ गते सुदूरपश्चिम प्रदेश सभा नेकपा एमाले संसदिय दलको प्रमुख सचेतकवाट तारा लामा तामाङलाई पदमुक्त गरि लालबहादुर खड्कालाई प्रमुख सचेतकमा नियुक्त गरिएको थियो । खड्का समाजिक विकास मन्त्री बनेपछि दुर्गा कामीलाई प्रमुख सचेतक बनाइएको हो ।

यसअघि अक्कल रावल सचेतक थिए । तर शाह सहितका ३ मन्त्रीलाई  नेकपा एमाले ले सरकारबाट फिर्ता हुन निर्देशन दिएको छ । तीन जनाले सरकारबाट फिर्ता हुने पार्टीको निर्णय अबज्ञा गरेपछी पार्टीले स्पस्टीकरण समेत सोधेको छ ।