एमाले स्थायी कमिटी बैठक आज पनि बस्दै

काठमाडौंः प्रमुख प्रतिपक्ष दल नेकपा एमालेको स्थायी कमिटी बैठक आज पनि बस्दैछ । तुलसीलाल स्मृति प्रतिष्ठान ललितपुरमामा अपराह्न तीन बजे बैठक बस्ने केन्द्रीय कार्यालय सचिव शेरबहादुर तामाङले जानकारी दिए ।

आजको बैठकमा पार्टी विवाद समाधानका लागि भन्दै गठित कार्यदलले तयार पारेको १० बुँदे सहमतिको प्रस्ताव बमोजिम बैठकमा विभिन्न आयोगहरु गठन, केन्द्रीय विभागहरुको पूर्णता र प्रदेश कमिटीहरुको अनुमोदनबारे छलफल हुने तामाङले बताए ।