वैशाख १५, २०८१ शनिबार
April 27, 2024
युग खबर
२०७८ श्रावण २५, सोमबार
काठमाडौंः प्रमुख प्रतिपक्ष दल नेकपा एमालेको स्थायी कमिटी र केन्द्रीय कमिटी बैठक आज बस्दैछ ।
अध्यक्ष केपी शर्मा ओलीले स्थायी कमिटी बैठक बिहान ११ बजे बोलाएका हुन् । स्थायी कमिटी बैठकले केन्द्रीय कमिटी बैठकमा प्रस्तुत हुने एजेण्डा तय गर्ने केन्द्रीय कार्यालय सचिव शेरबहादुर तामाङले जानकारी दिए ।
स्थायी कमिटी बैठक सकिए लगत्तै अपरान्ह तीन बजे केन्द्रीय कमिटी बैठक बस्दैछ । दुवै बैठक ललितपुरको च्यासलस्थित तुलसीलाल स्मृति भवनमा बोलाइएको छ ।
बैठकमा दशौं महाधिवेशनको तयारी केन्द्रित निर्णय गर्ने प्रमुख सचेतक विशाल भट्टराईले बताए ।
वडा र स्थानीय तहको अधिवेशन गर्नेबारे आवश्यक निर्णय हुन लागेको र विधान अधिवेशन पनि तोकिएकाले त्यसबारे पनि निर्णय हुने केन्द्रीय सदस्य समेत रहनुभएका प्रमुख सचेतक भट्टराईले जानकारी दिनुभयो । एमालेले भदौ अन्तिम साता विधान अधिवेशनको मिति तय गरिसकेको छ ।
अध्यक्ष ओलीले बोलाएको बैठकमा वरिष्ठ नेता माधवकुमार नेपाल समूहका नेताहरु भने अनुपस्थित रहँदै आएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया