असार २६, २०८२ बिहिबार
July 10, 2025
युग खबर
२०७८ मंग्सिर ५, आइतबार
काठमाडौंः नेपाली कांग्रेसको १४औं महाधिवेशनको अन्तर्गत प्रादेशिक अधिवेशन सम्पन्न जिल्लाहरुको मतपरिणाम आउने क्रम जारी छ ।
अधिवेशन शुरु भएका ६० जिल्ला मध्ये १४ जिल्लाको अन्तिम परिणाम आएको छ । अर्घाखाँची, पाल्पा, नुवाकोट, इलाम ,झापा, चितवन, स्याङ्जा लगायतका १४ जिल्लाको प्रदेशिक अधिवेशनको अन्तिम परिणाम आएको हो ।
बाँकी जिल्लाहरुमा भने मतगणना जारी छ भने केही जिल्लामा हिजो मात्र निर्वाचन भएको नेपाली कांग्रेस केन्द्रिय निर्वाचन समितिले जनाएको छ । कतिपय जिल्लामा भने सर्वसम्मत नेतृत्व चयन गरिएको छ ।
संघिय संरचनामा मुलुक गएपछि पहिलो पटक ३३० प्रदेश सभा निर्वाचन क्षेत्रमा कांग्रेसको नयाँ कार्यसमिति चयन हुन लागेका हुन् ।
यसअघि कांग्रेसले स्थानीय तहमा निर्देशिका बनाएर सहमतिमा प्रदेश सभा क्षेत्रीय कार्यसमिति चयन गरेको थियो । प्रदेश सभा क्षेत्रीय अधिवेशनले प्रदेश महाधिवेशन प्रतिनिधिसमेत चयन गर्नेछ । रासस
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया