दुई पक्षको विवादका कारण काँग्रेस सर्लाही जिल्ला अधिवेशन स्थगित

काठमाण्डौंः सर्लाहीको मलंगवा नगरपालिकामा नेपाली कांग्रेस जिल्ला कार्य समितिको सभापति र जिल्ला कार्य समितिको पदाधिकारी सहित ९३ पदको आज हुने मतदान स्थगित भएको छ ।

सर्लाहीको मलंगवा नगरपालिका स्थित पथित पब्लिक मा.बि.मा आज नेपाली कांग्रेस सर्लाहीको अधिवेशन हुने भनिएको अधिवेशन बिवादका कारण स्थगित भएको हो ।

नेपाली कांग्रेस जिल्ला निर्वाचन अधिकृतको कार्यालय सर्लाहीले आज सूचना निकालेर विषेश परिस्थितिका कारण नेपाली कांग्रेस जिल्ला कार्य समितिको १४ अधिवेशन स्थगित गरिएको जिल्ला निर्वाचन अधिृत नागेश्वर प्रसाद सिंहले जानकारी दिनुभयो ।

आइतवार विभिन्न किसिम्मको आचारसंहिता बनेपनि आज हिजो भएको आचारसंहिता पालना नगर्ने, अलि फरक किसिमले गर्ने लगायतको विषयलाई लिएर दुई पक्ष बिच विवाद भएपछि अधिवेशन स्थगित भएको नेपाली कांग्रेसका नेता कौशल किशोर रायले जानकारी दिनुभयो ।

आइतवार अचार संहिताको सहमति अनुसार मतदान केन्द्र पब्लिक स्कुलमा राख्ने, आफनो नजिकको नातेदारले मतदान अधिकृतको रोहवरमा मत संकेत गर्ने लगायत ८ बुँदे अचार संहिता बनाइएइ पनि पालना नहुने भएपछि बिवादका कारण अधिवेशन स्थगित भएको नेता रायले बताउनुभयो ।

सर्लाहीमा जिल्ला सभापतिमा संस्थापन पक्षबाट सुरेन्द्र प्रसाद सिंह तथा संस्थापन ईतरबाट पूर्व जिल्ला सभापति लक्ष्मण रायले उम्मेद्वारी दर्ता गराएका थिए । उपसभापतिमा संस्थापन पक्षबाट दुईजना शेख सदहदुल्ला र डा. सरोज कुमार (राजु)को उम्मेद्वारी परेको थियो भने संस्थापन ईतरबाट नविन अधिकारी र रविनन्दन् चौधरी (पप्पु)को उम्मेद्वारी परेको थियो । त्यस्तै सचिवमा संस्थापन पक्षबाट निरज कार्की र मनोज यादव तथा संस्थापन ईतरबाट नरेन्द्र भट्टराई र कृष्ण राज रायमाझीको उम्मेद्वारी परेको थियो ।