असार २९, २०८२ आइतबार
July 13, 2025
युग खबर
२०७९ असोज १, शनिबार
काठमाण्डौः परराष्ट्रमन्त्री नारायण खड्का बेलायती महारानी एलिजाबेथ द्वितीयको अन्त्येष्टी समारोहमा सहभागी हुन बेलायत प्रस्थान गरेका छन्।
मन्त्री खड्का शनिबार त्यसतर्फ प्रस्थान गरेको परराष्ट्र मन्त्रालयले जनाएको छ। उनी महारानीको राजकीय अन्त्येष्टिमा सहभागी हुनुका साथै आधिकारिक समवेदना पुस्तिकामा हस्ताक्षरसमेत गर्ने मन्त्रालयले जनाएको छ।
मन्त्री खड्काले लण्डन रहँदा राजा चार्ल्स तृतीयद्वारा आयोजना हुने रिसेप्सनमा सहभागी हुनेछन्। यस्तै विदेश मन्त्रीले आयोजना गर्ने रिसेप्सनमा पनि उनी सहभागी हुने जनाइएको छ।
मन्त्री खड्का आउँदो बुधबार स्वदेश फर्किने छन्। महारानी एलिजाबेथको अन्त्येष्टी सेप्टेम्बर १९ मा हुँदैछ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया