लुम्बिनी प्रदेशमा मुख्यमन्त्री र दुई मन्त्रीले लिए शपथ

काठमाण्डौंः लुम्बिनी प्रदेशका नवनिर्वाचित मुख्यमन्त्री लीला गिरीले बिहीबार दिउँसो १ बजे पद तथा गोपनीयताको शपथ लिएका छन् ।

मुख्यमन्त्री गिरीलाई प्रदेश प्रमुख अमिक शेरचनले पद तथा गोपनीयताको शपथ खुवाएका थिए । सत्ता साझेदार दलहरूको आन्तरिक छलफलका कारण करिब एक घण्टा ढिलो गरी शपथ लिएका हुन् ।

यस्तै, नेकपा (माओवादी केन्द्र)का कृष्णा केसी र एमालेका चेतनारायण आचार्यले बिना विभागीय मन्त्रीको जिम्मेवारीसहितको पथ तथा गोपनीयताको शपथ लिएका छन् ।

मन्त्री छनौटका विषयमा नेकपा माओवादीभित्रको आन्तरिक किचलाेका कारण उनीहरूलाई बिना विभागीय मन्त्री रूपमा शपथ खुवाइएको हो ।