असार २७, २०८२ शुक्रबार
July 11, 2025
न्युज डेस्क
२०७७ बैसाख १०, बुधबार
काठमाडौँ । सरकारले दल विभाजन तथा संवैधानिक परिषद सम्बन्धी अध्यादेश ल्याएपछि आन्तरिक विवादको उत्कर्षमा पुगेको सत्तारुढ नेपाल कम्युनिष्ट पार्टी (नेकपा) का दुवै अध्यक्षले पार्टीका सांसदहरुसँग छलफल थालेका छन् ।
प्रधानमन्त्री तथा नेकपा अध्यक्ष केपी शर्मा ओली र पार्टीका अर्का अध्यक्ष पुष्पकमल दाहाल प्रचण्डले बुधबार बिहान ११ बजेदेखि नेकपाका तर्फबाट प्रतिनिधिसभा र राष्ट्रियसभामा प्रतिनिधित्व गर्ने सांसदसँग छलफल सुरु गरेको प्रधानमन्त्रीका प्रेस सल्लाहकार सूर्य थापाले जानकारी दिएका छन ।
दुवै अध्यक्षले प्रदेशगत रुपमा नेकपा सांसदलाई बालुवाटारमा बोलाएर छलफल गरिरहेका हुन् । छलफलको सुरुवात सुदूरपश्चिम प्रदेशबाट प्रतिनिधित्व गर्ने सांसदबाट भएको छ ।
प्रदेशगत रुपमा काठमाडौँमा उपलब्ध दुवै संसदका सांसदसँग भिन्दा भिन्दै समयमा दुवै अध्यक्षले परामर्श गर्ने जनाइएको छ । सांसदसँगको यो छलफललाई अर्थपूर्ण रुपमा हेरिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया