८९ अंकले नेप्से घट्दा १२ अर्ब ८१ करोडको कारोबार

काठमाडौंः सेयर बजारका लागि यो साता खासै राम्रो भएन । बढ्दो बैंकको ब्याजदर, चालु पुँजीकर्तासँगै यता लगानीकर्ताहरुले मार्जिन लेन्डिङको १२ करोडको सीमा खारेजीको माग गर्दैगर्दा यता नेप्सेले ८९ अंक माथिको गिरावट बेहोरेको छ।

नेपाल स्टक एक्सचेञ्ज (नेप्से) का अनुसार यससाता नेप्से सूचक ८९.०८ अंकले घट्दै २०९४.५४ अंकको विन्दुमा झरेको छ। अघिल्लो साताको अन्तिम कारोबार बिहीबार ०.४१ अंकले घट्दै २१८३.२१ विन्दुमा अडिएको नेप्से सूचक यो साताको सुरुवाती दिनमै १४.६८ अंकले घट्दै २१६८.५४ अंकमा झरेको थियो।

यस्तै, दोस्रो दिन माघ १६ गते ४१.१६ अंकले घट्दै २१२७.३८ अंकमा ओर्लिएको नेप्से सूचक तेस्रो दिन १५.७० अंकले घटेर चौथो दिन (माघ १८ गते) ४.९७ अंकले बढेको थियो। यस साताको अन्तिम कारोबार दिन बिहीबार पुनः २२.१२ अंकले घट्दै नेप्से सूचक २०९४.५४ अंकमा झर्न पुगेको छ।