इंग्लिस प्रिमियर लिग – हालान्डको पेनाल्टी गोलमा सिटी विजयी

काठमाण्डौः म्यानचेस्टर सिटीले इंग्लिस प्रिमियर लिगमा शनिबार क्रिस्टल प्यालेसमाथि १–० को संघर्षपूर्ण जित निकालेको छ ।

यो जितसँगै लिगको शीर्ष स्थानमा रहेको आर्सनलमाथि सिटीले दबाब कायम राख्न सफल भएको छ । सिटीका लागि इर्लिङ हालान्डले ७८ औं मिनेटमा पेनाल्टीबाट निर्णायक गोल गरे ।

यो जितपछि सिटीको २७ खेलबाट ६१२ अंक भएको छ । आर्सनल ६३ अंकमा छ र आइतबार उसले फुलहमको सामना गर्नेछ । शनिबारका अन्य खेलमा टोटनहमले नटिङघम फरेस्टलाई ३–१ ले हराएर चौथो स्थानमा आफ्नो पकड बलियो बनायो ।

उसको २७ खेलबाट ४८ अंक भएको छ । यस्तै एभरटनले ब्रेन्टफोर्डलाई १–० र चेल्सीले लेस्टर सिटीलाई ३-१ ले पराजित गरेको छ । लिड्स र ब्राइटनले भने २–२ को बराबरी खेले ।