संघीय संसद्को हिउँदे अधिवेशन मध्यरातीदेखि अन्त्य

काठमाण्डौंः संघीय संसद्को हिउँदे अधिवेशन आज (शुक्रबार)देखि अन्त्य भएको छ।

कार्यवहाक राष्ट्रपति रामसहायप्रसाद यादवले अधिवेशन आज राति १२ बजेदेखि लागु हुनेगरी अन्त्य गरेका हुन्।

यादवले जारी गरेको सूचनामा भनिएको छ, ‘नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को मिति २०८०/०१/१२ को सिफारिसमा संघीय संसद्को दुवै सदनको चालु अधिवेशन संवत् २०८० साल वैशाख १५ गते शुक्रबार राती १२: ०० बजेदेखि अन्त्य गरेको छु।’