काठमाडौं : एसिया कप क्रिकेटमा नेपालले आज भारतसँग खेल्दैछ । नेपाल र भारतबीचको खेल श्रीलंकाको पाल्लिकेमा दिउँसो सवा ३ बजे सुरु हुँदैछ । नेपाली क्रिकेटको सिनियर टोलीले पहिलोपटक भारतको सिनियर टोलीसँग एकदिवसीय खेल्न लागेको हो ।
पहिलो खेलमा नेपाल पाकिस्तानसँग २ सय ३८ रनले हराएको थियो । भारत भने पाकिस्तानसँगको खेलमा १ अंक लिन सफल भयो । भारत र पाकिस्ताबीचको खेल वर्षाका कारण रद्द भएको थियो ।
आजको खेलमा नेपाल भन्दा भारत धेरै दबाबमा हुनेछ । किनकी नेपालले एसिया कपलाई आफ्नो उपाधि दाबेदारीको विषय बनाएको छैन् । तर भारत भने अहिलेसम्म ७ पटक उपाधि जितेको टोली हो र उसले उपाधिको दाबी गरिरहेको छ ।
आजको खेलमा नेपाल विजयी भएमा भारत बाहिरिनेछ । तर खेल रद्द भएर १ अंक पाएमा वा विजयी भएमा भने भारत नै अघिल्लो चरणमा पुग्नेछ । भारतका बल जसप्रित बुमराहले आजको खेल गुमाउने भएकाले पनि भारतले दबाब अनुभव गरिरहेको छ ।
नेपाली राष्ट्रिय टोलीका मूख्य प्रशिक्षक मोन्टी देशाइले पनि नेपाल कुनै पनि दबाबमा नरहेको बताइसकेका छन् । एसिया कपको समूह ‘ए’ मा नेपाल, भारत र पाकिस्तान छन् । समूह ‘बी’ मा बङ्लादेश, श्रीलङ्का र अफगानिस्तान छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया