श्रावण ५, २०८२ सोमबार
July 21, 2025
युग खबर
२०८० असोज २१, आइतबार
काठमाडौंः बर्दिया राजपुर नगरपालिका–७ स्थित श्री सरस्वती बाल प्राथमिक विद्यालय शंकरपुरका प्रधानाध्यापकविरुद्ध भ्रष्टाचार मुद्दा दायर भएको छ ।
आइतबार अख्तियार दुरुपयोग अनुसन्धान आयोगले हाजिरी गराउन सहजीकरण गरिदिने प्रयोजनका लागि सेवाग्राहीसँग १४ हजार पाँच सय घुस लिएको आरोपमा प्रधानाध्यापक लक्ष्मीदेवी उपाध्यायविरुद्ध विशेष अदालत काठमाडौंमा आरोपपत्र दायर गरेको हो ।
अख्तियारका प्रवक्ता भोला दाहालका अनुसार उपाध्यायले सेवाग्राहीलाई जागिरमा बहाल गराउनका लागि घुस लिई भ्रष्टाचार निवारण ऐन, २०५९ अन्तर्गतको कसुर गरेको पुष्टि हुन आएको छ । १४ हजार पाँच सय बिगो कायम गरी आज विशेष अदालत काठमाडौंमा आरोपपत्र दायर गरिएको प्रवक्ता दाहालले जनाएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया