श्रावण १२, २०८१ शनिबार
July 27, 2024
युग खबर
२०८० कार्तिक २७, सोमबार
काठमाण्डौंः नेपाली राष्ट्रिय क्रिकेट टिमका अलराउण्डर गुल्सन झालाई सोमबार गृह जिल्ला सर्लाहीमा अभिनन्दन गरिएको छ ।
नेपालले एक दशकपछि टी–२० विश्वकपमा स्थान बनाउँदा अलराउण्ड प्रदर्शन गरेका झालाई प्रोत्साहनस्वरुप नेपाल पत्रकार महासङ्घ सर्लाही शाखाले सदरमुकाम मलङ्गवामा अभिनन्दन गरेको हो ।
चक्रघट्टा गाउँपालिका–७, सगरदिना स्थायी घर भएका गुल्सनको परिवार अहिले सदरमुकाम मलङ्गवा नगरपालिका–८, मा बसोवास गर्दैआएको छ ।
पछिल्लो पटक भएका क्रिकेट प्रतियोगितामा उत्कृष्ट प्रदर्शन गरी देशको सान बढाउन गरेको योगदानको कदर तथा थप हौसला प्रदान गर्न क्रिकेटर झालाई अभिनन्दन गरिएको नेपाल पत्रकार महासङ्घ सर्लाही शाखाका अध्यक्ष टङ्कबहादुर क्षेत्रीले जानकारी दिनुभयो ।
अध्यक्ष क्षेत्री, जिल्ला समन्वय समितिका प्रमुख कौशलकिशोर सिंह, प्रमुख जिल्ला अधिकारी कोमलप्रसाद धमला, चन्द्रनगर गाउँपालिकाका अध्यक्ष राजकुमार महतो लगायतले जिल्ला समन्वय समितिको सभाहलमा झालाई सम्मान गर्नुभएको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया