मंसिर १६, २०८० शनिबार
December 2, 2023
युग खबर
२०८० कार्तिक २९, बुधबार
काठमाडौंः हङकङमा आयोजना हुने चार देश सम्मिलित महिला टि-ट्वान्टी शृङ्खलामा नेपालले आज बुधबार ताञ्जेनियासँग खेल्दैछ। शृङ्खलाको पहिलो खेलमा नेपालले भाइटीकाको दिन ताञ्जेनियासँग खेल्न लागेको हो।
बुधबारदेखि मङ्सिर ३ गतेसम्म सञ्चालन हुने शृङ्खलामा विभिन्न चार टोलीले प्रतिस्पर्धा गर्नेछन्। जसमा आयोजक हङकङसहित नेपाल, ताञ्जेनिया र जापान छन्।
नेपालले कात्तिक ३० मा आयोजक हङकङसँग खेल्नेछ भने आगामी मङ्सिर २ गते जापानसँग खेल्नेछ।
शीर्ष दुई टोलीले उपाधिका लागि मङ्सिर ३ गते खेल्नेछन्। त्यस्तै तेस्रो स्थानको प्रतिस्पर्धासमेत सोही दिन हुनेछ। उक्त शृङ्खलाका सबै खेल हङ्कङ क्रिकेट क्लबको मैदानमा हुनेछन्।
नेपाली राष्ट्रिय महिला क्रिकेट टोली आइतबार नै हङकङ पुगिसेको छ। नेपाली टोलीमा कप्तान इन्दु बर्मासहित उपकप्तान बिन्दु रावल, रुबिना क्षेत्री, सीता रानामगर, खुशी डङ्गोल, सोमु विष्ट, सङ्गीता राई, कञ्चन श्रेष्ठ, सोनी पाख्रिन, पूजा महतो, रोमा थापा, काजोल श्रेष्ठ, सम्झना खड्का र रुवि पोदार छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया