मंग्सिर ४, २०८३ शुक्रबार November 20, 2026

बाँकेमा ब्याडमिन्टनको राष्ट्रिय प्रतियोगिता हुँदै

ब्याडमिन्टन प्रतियोगितामा १ सय ५० जना बढी खेलाडीहरूको सहभागिता रहने

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः बाँकेको नेपालगन्जमा प्रथम नेपालगन्ज कप राष्ट्रिय ब्याडमिन्टन प्रतियोगिता २०८० आयोजना हुने भएको छ ।

ब्याडमिन्टन संघ बाँकेको आयोजनामा यही माघ ११ गतेदेखि १३ गतेसम्म प्रथम नेपालगन्ज कप राष्ट्रिय ब्याडमिन्टन प्रतियोगिता २०८० आयोजना हुने भएको हो ।

नेपालगन्जमा खुल्ला तथा पुरुष एकल, पुरुष डबल, पुरुष डबल बि लेभल, महिला एकल, भेट्ररान्स ४५ प्लस ब्याडमिन्टन प्रतियोगिता आयोजना गरिएको आयोजकले पत्रकार सम्मेलनमार्फत जानकारी गराएको छ ।

नेपालगन्जमा झन्डै २३ वर्षपछि राष्ट्रिय स्तरमा सञ्चालन हुन लागेको ब्याडमिन्टन प्रतियोगितामा १ सय ५० जना बढी खेलाडीहरूको सहभागिता रहने ब्याडमिन्टन संघ बाँकेका अध्यक्ष संजय थापाले जानकारी दिनुभयो ।

उहाँका अनुसार खेल प्रेमी तथा अभिभावकहरूमा खेलप्रति रुचि र आर्कषण बढाउन ब्याडमिन्टन प्रतियोगिता आयोजना गरिएको हो ।

उहाँले मनोरञ्जनको साधन मानिसको हात हातमा पुगेकोले खेल प्रतिको आर्कषण घट्दै गएको बताउँदै खेलले मानिसलाई शारीरिक तथा मानसिक रुपमा स्वस्थ बनाउने भएकोले खेलप्रति रुचि बढाउन आवश्यक रहेको बताउनुभयो ।

पाँच वटा विद्यामा राखिएको ब्याडमिन्टन प्रतियोगिताको खुल्ला पुरुष एकल र पुरुष डबलतर्फ प्रथम पुरस्कार रु ५० हजार, द्वितीय पुरस्कार रु २५ हजार, तृतीय पुरस्कार रु १५ हजार, सान्त्वना पुरस्कार रु १५ हजार रहेको छ ।

महिला एकलतर्फ प्रथम पुरस्कार रु ४० हजार, द्वितीय पुरस्कार रु २० हजार, तृतीय पुरस्कार रु १० हजार, सान्त्वना पुरस्कार रु १० हजार रहेको छ ।

यस्तै बि लेभल पुरुष डबल र भेन्ट्ररान्स ४५ प्लसतर्फ प्रथम पुरस्कार रु ३० हजार, द्वितीय पुरस्कार रु २० हजार, तृतीय पुरस्कार रु १० हजार, सान्त्वना पुरस्कार रु १० हजार रहेको आयोजकले जनाएको छ ।

तीन दिनसम्म सञ्चालन हुने ब्याडमिन्टन प्रतियोगिता नेपालगन्जमा रहेको रंगशालाको कभर्ड हलमा हुने आयोजकले जनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार