काठमाडौं, १० माघ । जारी एशियन कप अन्तर्गत इरान र युएई दोस्रो चरणमा पुगेका छन् ।
गएराती सम्पन्न समुह सी अन्तर्गतको खेलमा इरानले युएईलाई २-१ गोल अन्तरले पराजित गरेको थियो । यो जितपछि इरानले ३ खेलमा तिनै खेल जितेर ९ अंक हासिल गर्दै समुहमा शिर्ष स्थानमा रहेर दोस्रो चरणमा पुगेको हो ।

त्यस्तै युएई पराजित भएपनि समुहमा ३ खेलमा ४ अंक हासिल गर्दै दोस्रो हुदै अर्को चरणमा पुगेको छ ।
त्यस्तै गएराती नै सम्पन्न यसै समुहको अर्को खेलमा प्यालेस्टाइनले हङकङलाई ३-० गोल अन्तरले पराजित गरेको थियो ।
जितका बाबजुत प्यालेस्टाइनको ३ खेलमा ४ अंक रहेको छ र समुहमा तेस्रो भएको छ । युएई र प्यालेस्टाइन को समान ४-४ अंक भएपनि गोल अन्तरका आधारमा युएई दोस्रो हुदै सिधै अर्को चरणमा छनौट भएको छ । त्यस्तै प्यालेस्टाइन तेस्रो स्थानमा रहेपनि दोस्रो चरणमा जाने सम्भावना कायमै रहेको छ ।

सबै समुहका तेस्रो स्थानमा रहने शिर्ष चार देश दोस्रो चरणमा पुग्ने हुनाले समुह चरणका सबै खेलपछि चार देशको टुंगो लाग्ने भएको छ ।
साथै समुह सी बाट हङकङ तिनै खेलमा हार बेहोरेर बाहिरिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया