मलेसियाबाट स्वदेश फर्कने प्राथमिकतामा परेका ६ हजार ३ सय १४ नेपालीको नाम सार्वजनिक

काठमाडौं । मलेसियास्थित नेपाली दूतावासले स्वदेश फर्कन प्राथमिकतामा परेका नेपालीको सूची सार्वजनिक गरेको छ।

सोमबार सार्वजनिक गरिएको सूचीमा ६ हजार ३ सय १४ जनाको नाम छ। यीमध्ये इन्डोनेसियामा रहेका १० विधार्थी र ११ पर्यटकसहित २४ जना छन्। प्राथमिकतामा परेका मलेसियामा रहेका नेपालीमा अधिकांश कामदार रहेका छन्।

मलेसियाबाट नेपाल एयरलाइन्स र हिमालयन एयरलाइन्सले दुई दुई वटा चार्टर्ड फ्लाइट गर्दैछन्। प्राथमिकतामा परेका नेपालीको सूची मलेसियास्थित नेपाली दूतावासको वेबसाइट https://my.nepalembassy.gov.np/ मा गएर हेर्न सकिन्छ।