असार २९, २०८२ आइतबार
July 13, 2025
युग खबर
२०८० माघ १८, बिहिबार
काठमाडौं, १८ माघ, संसद्को राज्य व्यवस्था तथा सुशासन समितिको आजको बैठकले अनुगमन तथा मूल्याङ्कन सम्बन्धमा व्यवस्था गर्न बनेको विधेयक परिमार्जन सहित पारित गरेको छ ।
संसद् सचिवालय सिंहदरबारमा बसेको बैठकले राष्ट्रिय सभामा उत्पत्ति भई सुझाव सहित प्रतिनिधि सभामा पेश भएको अनुगमन तथा मूल्याङ्कन सम्बन्धी विधेयक परिमार्जन सहित पारित भएको हो ।
समितिका सभापति रामहरि खतिवडाको अध्यक्षतामा बसेको बैठकमा सूचना तथा सञ्चार प्रविधि मन्त्री रेखा शर्मा तथा संशोधनकर्ता सांसदहरू सँग समेत सहभागी भई छलफलमा भाग लिनुभएको थियो ।
सरकारले विकास निर्माणका कामहरूलाई निर्धारित समयमा सम्पन्न नहुने र लागत बढ्ने लगायतका समस्याहरू समाधान गर्ने उद्देश्यले ल्याएको सो विधेयक संसद्को आगामी बैठकबाट पारित गर्ने तयारी गरिरहेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया